СДСМ соопшти дека нивната политика е насочена кон, како што велат, борба против корупцијата и враќање на власта кај граѓаните, оценувајќи дека критиките кон ВМРО-ДПМНЕ не претставуваат антидржавно дејствување.
Од партијата посочуваат дека, според нив, обидите за етикетирање на политичките противници како „антидржавни“ се дел од стратегија за прикривање на корупција и злоупотреба на институциите.
„Борбата против криминал и корупција не е борба против државата, туку за нејзино зајакнување“, наведуваат од СДСМ, додавајќи дека ќе продолжат да се залагаат за, како што истакнуваат, правна држава и независни институции.
Во соопштението се упатуваат и критики кон актуелната власт, со обвинувања за политички притисоци врз правосудството, при што од СДСМ нагласуваат дека нивната цел е демократска и европска Македонија во која, како што велат, никој нема да биде над законот.
