СДСМ: Чекањето на границите со ЕУ е огледало на политиката на Мицкоски

Социјалдемократскиот сојуз на Македонија денеска обвини дека почетокот на примената на Шенгенскиот систем за влез и излез (EES) на границата со Грција ќе предизвика дополнителни потешкотии за македонските граѓани кои патуваат кон земјите од Европската Унија.

— реклама —

Од партијата тврдат дека граѓаните отсега ќе се соочуваат со подолги задржувања на граничните премини, како и со обврска за оставање биометриски податоци при влез во ЕУ.

Според СДСМ, ова не е само техничка промена, туку и последица на, како што наведуваат, политиките на Владата предводена од премиерот Христијан Мицкоски.

— реклама —

„Мицкоски изјави дека Македонија ќе чека со децении за членство во Европската Унија. Сега, благодарение на неговата политика, граѓаните ќе чекаат и со часови за да ја преминат границата“, наведуваат од СДСМ.

— реклама —

Од опозициската партија оценуваат дека уште пред почетокот на туристичката сезона се забележуваат проблеми на граничните премини и обвинуваат дека државата се движи во насока на изолација наместо кон европска интеграција.

Во соопштението СДСМ упати критики и кон владејачката коалиција, тврдејќи дека функционерите уживаат привилегии кои не се достапни за обичните граѓани.

— реклама —

Од Владата засега нема реакција на обвинувањата изнесени од СДСМ.