ВМРО-ДПМНЕ возврати на обвинувањата од СДСМ за падот на просечната плата, тврдејќи дека во периодот на актуелната влада растот на платите бил околу 70 проценти повисок на месечно ниво отколку во времето кога на власт биле СДСМ и ДУИ.
Од партијата наведуваат дека во јуни 2017 година просечната плата изнесувала 22.808 денари, а во мај 2024 година достигнала 41.252 денари.
Според нивната пресметка, тоа е зголемување од 18.444 денари за 84 месеци, односно просечен месечен раст од околу 220 денари.
ВМРО-ДПМНЕ потоа прави споредба со периодот по промената на власта.
„Во јули 2024 година, просечната плата изнесуваше 40.961 денар. Во мај 2026 година достигна 49.544 денари“, наведуваат од партијата.
Според нив, тоа претставува раст од 8.583 денари за 23 месеци, или во просек околу 373 денари месечно.
„Во периодот на ВМРО-ДПМНЕ, просечната плата растела околу 70% повеќе месечно отколку во периодот кога на власт беа СДС и ДУИ“, велат од партијата.
Од ВМРО-ДПМНЕ оценуваат дека бројките се доволни за да се спореди динамиката на растот и го обвинуваат СДСМ дека со своите пораки создава погрешна слика кај граѓаните.
„Не се потребни празни зборови и политички пароли. Бројките зборуваат сами за себе“, стои во соопштението.
Партијата додава дека повисоките плати значат поголема куповна моќ и подобар животен стандард.
Станува збор за партиска пресметка и политичка интерпретација на податоците за просечната плата.
