СДСМ со остра реакција на соопштението од ВМРО-ДПМНЕ, обвинувајќи дека власта наместо конкретни мерки за справување со скапотијата, се обидува да го дефокусира вниманието на јавноста.
Од СДСМ велат дека граѓаните секојдневно се соочуваат со раст на цените и намален животен стандард, особено во пресрет на Велигден.
„Јајцата и јагнешкото месо се прескапи, трпезите се поскромни од кога било, а семејствата едвај врзуваат крај со крај“, наведуваат од партијата.
Според СДСМ, наместо економски мерки, власта нуди „дефокус“, отворајќи теми поврзани со бизнисменот Дака, за кого, како што тврдат, постојат сериозни контроверзии.
Дополнително, од партијата посочуваат дека, според нив, фирма поврзана со Дака е вклучена во енергетски планови на Владата, што, како што велат, отвора прашања за приоритетите на власта.
„Дефокусот со Дака не го полни празниот фрижидер, ниту ги полни трпезите и џебовите на граѓаните“, порачуваат од СДСМ.
