СДСМ: „Не можете луѓето во Гостивар да ги убедите дека не сте криви“

СДСМ преку соопштение реагираше на денешните обвинувања од ВМРО-ДПМНЕ, оценувајќи дека владејачката партија се обидува да ја префрли одговорноста за случувањата во Гостивар врз други политички субјекти.

— реклама —

Од партијата прашуваат каква поврзаност имаат, како што велат, „кадрите во Гостивар“ со СДСМ, посочувајќи дека СДСМ никогаш не била на власт во оваа општина.

— реклама —

Според СДСМ, целокупната одговорност за состојбата ја имаат институциите и власта предводени од ВМРО-ДПМНЕ.

„Не можете граѓаните во Гостивар да ги убедите дека не сте одговорни. Наместо да ја префрлате вината, треба да ја признаете вистината и да дозволите институциите да ја утврдат одговорноста“, велат од СДСМ.

— реклама —

Партијата обвинува дека власта не може да се дистанцира од, како што наведуваат, последиците од загадувањето што, според нив, ги погодило Гостивар и поширокото подрачје.

— реклама —

Од СДСМ порачуваат дека очекуваат одговорност за случајот и додаваат дека, како што велат, „никој не смее да биде над законот“.