СДСМ достави документи до ДКСК: Бараме итна постапка за скандалозниот тендер во МВР

„Секој ден власта ја тресат корупциски скандали. Буквално смрди на коруцпија во врвот на власта“, вели Богданка Кузеска - портпаролка на СДСМ и додава:

Последен е скандалозниот тендер во МВР од 4 милиони евра кој го добива и фирма основана 20 дена пред распишување на тендерот.

— реклама —

Фирма без искуство, без капацитет, а вчера видовме и дека е без седиште. Фаном фирма ли е?

Како е можно ваква фирма да добие тендер за специјализирана опрема за полицијата?

— реклама —

Ова е огромен скандал поврзан со Панче Тошковски кој бара итна институционална реакција.

Денеска сме пред Државната комисија за спречување на корупцијата, да побараме итно постапување по овие сериозните сомнежи за корупција.

— реклама —

Ќе и предадеме документи. Да се истражи до крај, дали станува збор за местен тендер, однапред договорен?

Чии интереси стојат зад овој тендер вреден 4 милиони евра?

— реклама —

ДКСК мора да отвори предмет, да ги истражи сите факти и конечно – да обезбеди одговорност.

Време е ДКСК да покаже дека не се неми набљудувачи на криминалот, туку бранители на јавниот интерес.