СДСМ упати прашања до Владата и Министерството за правда во врска со постапката за екстрадиција на поранешниот премиер Никола Груевски, барајќи информации до каде е процесот и дали е поднесено официјално барање.
Од партијата потсетуваат дека Министерството за правда претходно најави дека ќе ги прибере сите потребни списи од надлежните судски и обвинителски органи поврзани со случаите против Груевски и дека ќе постапи согласно законските прописи.
СДСМ бара да се појасни дали документите се подготвени и зошто постапката сè уште не е завршена, наведувајќи дека други држави веќе преземаат активности во слични случаи.
Во реакцијата се изразува став дека одолговлекувањето може да остави простор за ново бегство и се повикуваат институциите да постапат итно и без одлагање согласно законските процедури.
