СДСМ: „Клековски сега признава појава на жолтица - токму она што Филипче го предупреди минатата недела“

СДСМ преку соопштение обвини дека министерот за здравство Сашо Клековски сега предупредува на појава на хепатит А и Е во Гостивар, иако, според партијата, професорот Венко Филипче на тоа предупредил уште минатата недела.

— реклама —

Од партијата посочуваат дека Клековски денеска изјавил оти акутната фаза на епидемијата во Гостивар постепено се смирува, но дека здравствените власти сега ќе бидат насочени кон рано откривање на хепатит А и Е.

— реклама —

СДСМ потсетува и на претходната изјава на министерот дека „алармот се вклучил доцна“ и оценува дека тоа, според нив, покажува оти институциите не реагирале навреме.

— реклама —

Партијата го обвини Клековски дека нема капацитет да управува со кризата, дека податоците биле криени и дека одговорноста се префрлала од политички причини.

— реклама —

Според СДСМ, надлежните треба да понесат одговорност за состојбата во Гостивар и за, како што наведуваат, последиците врз здравјето на граѓаните.