СДСМ побара одговори од Владата во врска со најавениот концерт на Дејвид Гета во Скопје, кој треба да се одржи по повод 35 години од независноста на државата, стои во партиското соопштение.
Од партијата прашуваат колку ќе ги чини граѓаните целиот настан, наведувајќи дека само хонорарот на Дејвид Гета, според нив, изнесува најмалку еден милион евра.
СДСМ бара објаснување и за тоа како е избрана фирмата организатор, тврдејќи дека станува збор за компанија со блокирана сметка и долгови кон УЈП.
„Како е одлучено токму таа фирма да организира државна манифестација, без јавен повик, без тендер“, прашуваат од СДСМ.
Партијата тврди дека според информации од музичките и организациските кругови, вкупната сума за настанот би можела да достигне меѓу три и пет милиони евра.
Во соопштението, СДСМ оценува дека Владата треба да даде отчет за трошоците, особено во услови кога, како што велат, студентските домови се соочуваат со лоши услови и недостиг на основни ресурси.
„Ние не сме против Дејвид Гета, ние сме против криминалот и корупцијата“, наведуваат од партијата.
