СДСМ: Крвави ви се рацете, оставка од Тошковски

Оставка од Панче Тошковски после толку многу трагедии и згаснати животи е првиот чекор кон одговорност и основен услов за некаква промена на системот кој не успеа да ги заштити жртвите, велат од опозициската партија СДСМ.

„Заедничко за сите трагедии е потфрлањето на МВР со кое раководи Панче Тошковски.

— реклама —

За последната трагедија во Карпош, во која згаснаа животите на мајка и малолетна ќерка, во период од две години имало дури 12 пријави за семејно, физичко и психичко насилство врз младата Ивана.

МВР било информирано, алармирано, но реакција немало.

— реклама —

Во Велес, сериски насилник одзеде два животи – на младата Росица и на нејзиниот татко. МВР на Тошковски повторно потфрли. Дури шест месеци после тоа се уште се води предистрага дали 11 полицајци постапиле соодветно.

Во Старо Нагоричане, сериски убиец одзеде пет женски животи, иако жителите со години пријавувале и предупредувале МВР не реагирало навреме.

Во трагедијата во Кочани, згаснаа 64 животи, а Тошковски наместо одговорност, ги штитеше неговите началници.

— реклама —

Уште колку трагедии и животи треба да се загубат?

Кога институциите потфрлаат и кога човечки животи се губат поради системски пропусти, мора да има политичка и морална одговорност.

— реклама —

Крвави ви се рацете“, се вели во соопштението.