СДСМ: Мицкоски ги излажа и ги изневери граѓаните

Членката на Извршниот одбор на СДСМ, Симона Цветановски, на денешната прес-конференција обвини дека премиерот Христијан Мицкоски не ги исполнил ветувањата што ги дал пред доаѓањето на власт.

„Граѓаните добро знаат дека Мицкоски, кога клечеше и молеше за власт, ветуваше враќање на името, промена на преговарачката рамка и укинување на Преспанскиот договор. Ги излажа граѓаните“, изјави Цветановски.

— реклама —

Таа додаде дека „му пропаднал лажниот патриотизам“ и обвини дека дел од владините функционери поседуваат бугарски пасоши.

Од СДСМ тврдат дека Владата не ги исполнила ниту економските ветувања.

— реклама —

„По две години Влада на Мицкоски, граѓаните живеат полошо, едвај врзуваат крај со крај, со најниски плати во Европа и секојдневна борба да се преживее од први до први“, рече Цветановски.

— реклама —

Таа посочи дека синдикалната кошничка достигнала речиси 69.000 денари, додека минималната плата е 26.000 денари.

Според СДСМ, странските инвестиции се намалиле за 61 процент, а бројот на вработени во индустријата за една година опаднал за 2,8 проценти.

— реклама —

Цветановски обвини и за зголемување на јавниот долг, тврдејќи дека за две години бил создаден нов долг од 2,5 милијарди евра.

„Мицкоски ги излажа и ги изневери граѓаните“, порача Цветановски.