СДСМ: Мицкоски најавува намалување на акцизи, а со месеци одбива да преземе мерки

Опозициската СДСМ обвини дека премиерот Христијан Мицкоски предоцна најавува намалување на акцизите на горивата, оценувајќи дека Владата со месеци не преземала мерки за заштита на граѓаните од растот на цените.

— реклама —

Од СДСМ тврдат дека со месеци повикувале на конкретни мерки за ублажување на последиците од поскапувањата, но дека Владата не реагирала навреме.

— реклама —

„Сега, кога цените повторно скокнаа, премиерот излегува со најава како да е нешто ново и храбро“, наведуваат од партијата.

Според СДСМ, граѓаните веќе подолг период плаќаат повисоки цени не само за горивата, туку и за прехранбените производи, а Владата, како што тврдат, реагирала дури откако штетата веќе била направена.

— реклама —

Од партијата оценуваат дека Владата води реактивна, а не проактивна економска политика и обвинуваат дека не успеала навремено да ги заштити граѓаните од растот на трошоците за живот.

— реклама —

Во соопштението СДСМ додава дека граѓаните заслужуваат политики што ќе ги спречат поскапувањата, наместо мерки што се носат откако тие веќе се случиле.