СДСМ: „Мицкоски вели „Буџетот е во одлична кондиција“ – а нема пари за референдум“

СДСМ упати остри критики кон премиерот Христијан Мицкоски и Владата, обвинувајќи ги за неисполнување на реформските обврски, влошување на економската состојба и недостиг на јасна стратегија за европската интеграција на државата.

Од партијата реагираат на изјавите на Мицкоски дека буџетот е во „одлична кондиција“, оценувајќи дека реалната состојба е поинаква и дека граѓаните се соочуваат со раст на трошоците за живот.

— реклама —

„Додека Мицкоски се фали дека буџетот е во одлична кондиција, реалноста е сосема поинаква. Цените растат, а граѓаните се соочуваат со сериозни економски предизвици“, наведуваат од СДСМ.

Оттаму посочуваат дека вчера истекол рокот за исполнување на обврските од Реформската агенда и тврдат дека не се постигнати очекуваните резултати.

— реклама —

Според СДСМ, Владата истовремено тврди дека нема средства за зголемување на платите и за организирање референдум на кој граѓаните би можеле да се изјаснат за идните стратешки прашања на државата.

Во соопштението, опозициската партија ја повикува министерката за финансии јавно да ги образложи состојбите со државните финансии, потсетувајќи дека претходно прифатила јавна дебата на оваа тема.

— реклама —

СДСМ упати и низа политички обвинувања кон премиерот Мицкоски и ВМРО-ДПМНЕ, тврдејќи дека актуелната власт ја оддалечува државата од европската перспектива.

Од партијата бараат распишување референдум и сметаат дека граѓаните треба директно да одлучат за идниот правец на Македонија.

— реклама —

„Граѓаните сами треба да одлучат дали сакаат европска и просперитетна Македонија или продолжување на актуелните политики“, наведуваат од СДСМ.

Партијата повторно повика на забрзување на реформите и на продолжување на евроинтегративниот процес, оценувајќи дека тоа е единствениот пат кон подобар животен стандард и посигурна иднина за граѓаните.