СДСМ: Мицковски од „нема избори“ до „избори многу скоро“

СДСМ преку соопштение обвини дека премиерот Христијан Мицкоски повторно ги менува своите ставови, откако денеска изјави дека парламентарни избори може да има „многу скоро“, иако, според опозициската партија, со месеци уверувал дека нема да има предвремени избори.

— реклама —

Од СДСМ велат дека ова не е првпат Мицкоски да испраќа спротивставени пораки до јавноста, посочувајќи дека во минатото имал различни позиции за Преспанскиот договор, членството во НАТО и европските интеграции.

— реклама —

„Има двајца Христијан Мицкоски. Едниот ќе го враќаше името и го оспоруваше Преспанскиот договор, а другиот го прогласи за ремек-дело на дипломатијата. Едниот беше против НАТО, другиот денес го фали членството. Истото се случува и со изборите“, наведуваат од СДСМ.

— реклама —

Според партијата, додека Владата имала можност за нови задолжувања, Мицкоски тврдел дека нема да има избори, а сега, како што велат, „одеднаш изборите станале многу скоро“.

— реклама —

„На сите им е јасно дека Мицкоски дојде на власт со лаги и дека денес владее со лаги“, се наведува во реакцијата на СДСМ.