СДСМ: „Прашање до ВМРО-ОКГ: Има ли нешто за што не е виновен СДСМ?“

СДСМ преку соопштение реагира дека по повеќе од две години власт на ВМРО-ДПМНЕ, опозициската партија и понатаму се обвинува за состојбите во државата.

Од СДСМ велат дека за власта виновни се и Венко Филипче и Зоран Заев, додавајќи дека ваквата реторика, според нив, веќе станала несериозна.

— реклама —

Како пример ја посочуваат состојбата во земјоделството, наведувајќи ги блокираните ИПАРД-фондови, доцнењето или намалувањето на субвенциите, ниските откупни цени, поскапувањето на дизелот и ѓубривата, како и задолженоста на земјоделците.

— реклама —

„И за сето ова, според нив – виновен е СДСМ“, наведуваат од партијата.

Од СДСМ додаваат дека не се одговорни за, како што велат, неспособноста на власта и за недостигот од резултати што би можеле да бидат претставени пред јавноста.

— реклама —

Во реакцијата се осврнуваат и на неодамнешниот спор околу претставувањето на македонското знаме, посочувајќи дека знамето има осум зраци, а не 12.

— реклама —

СДСМ ја обвинува власта и за политичка пропаганда и за користење на медиуми за ширење на пораки против опозицијата.

„Едноставно е: Премногу лажевте. Народот повеќе не ви верува. Точка“, се наведува во реакцијата на СДСМ.