СДСМ излезе со остри обвинувања по изборот на Ацо Ристов за претседател на Регулаторната комисија за енергетика, тврдејќи дека станува збор за уште една алка во, како што велат, бизнис мрежата на лидерот на ВМРО-ДПМНЕ, Христијан Мицкоски.
Од партијата наведуваат дека со овој избор, институција која треба да ги штити интересите на граѓаните се става во функција на приватни бизнис интереси.
„Со изборот на Ацо Ристов за претседател на Регулаторната комисија за енергетика, Христијан Мицкоски официјализираше уште една алка во својата бизнис мрежа во енергетиката“, соопштија од СДСМ.
„Уште една институција што треба да ги штити граѓаните, сега станува алатка за задоволување на бизнис интерес“, соопштија од СДСМ.
Според СДСМ, Ристов е лице со директни бизнис интереси во енергетскиот сектор, што, како што тврдат, отвора прашања за судир на интереси.
„Тело кое ги одредува цените на струјата, горивата и енергенсите е ставено под контрола на партиски човек на Мицкоски со директни бизнис интереси во секторот“, соопштија од СДСМ.
„Ристов не е само поранешен функционер на ВМРО-ОКГ, туку и бизнисмен во енергетиката со мали хидроцентрали – ист бизнис како и Мицкоски“, соопштија од СДСМ.
Партијата наведува дека непосредно пред изборот, Ристов формално се повлекол од сопственоста на компаниите.
„Човек кој профитирал од струја, сега ќе одлучува за цената на струјата“, соопштија од СДСМ.
„А непосредно пред изборот, Ристов формално се повлекува од сопственоста на компаниите – класичен пример на ‘чистење’ пред функција“, соопштија од СДСМ.
Во соопштението се изнесуваат и тврдења за поширока бизнис структура поврзана со енергетскиот сектор.
„Бизнис операција осмислена да се вклопи во бизнис мрежата на Мицкоски во која клучна улога има Сања Божиновска и ‘Руднап’. Почнувајќи од Душан Адамовиќ, функционер на СНС и почесен конзул, преку офшор структурите на Кипар, па се до поврзаноста со ‘Руднап’ на Војин Лазаревиќ“, соопштија од СДСМ.
„Сите делчиња од својата мрежа Мицкоски ги има наместено, од производство и увоз на струја, продажба, па сега до институцијата што ги одредува цените“, соопштија од СДСМ.
СДСМ ја поврзува состојбата на пазарот со, како што тврдат, ваквите поставувања во институциите.
„Во светот цената на горивата падна драстично ама во Македонија нема намалување на цените кои се зголемија за дури 38%“, соопштија од СДСМ.
„Кога граѓаните денеска плаќаат поскапо гориво, кога добиваат повисоки сметки за струја – тоа е резултатот на мрежата која заработува додека граѓаните осиромашуваат“, соопштија од СДСМ.
„Сѐ е бизнис за Мицкоски“, соопштија од СДСМ.
