СДСМ: „Сега Мицкоски бара експерти за вода? Па зар Мицкоски и Тошковски-хиперхлораџијата не беа експерти?“

СДСМ преку соопштение ја критикуваше изјавата на премиерот Христијан Мицкоски дека за состојбата со водата во Гостивар се консултираат експерти, оценувајќи дека таков пристап требало да биде применет уште од самиот почеток на кризата.

— реклама —

Од партијата велат дека по денови меѓусебно префрлање на одговорноста и различни изјави од надлежните, сега Владата се повикува на стручни лица.

— реклама —

„Во нормална држава, експертите и надлежните институции ќе беа вклучени уште од првиот ден. Наместо тоа, јавноста слушаше политички изјави и објаснувања“, наведуваат од СДСМ.

Во реакцијата се посочува дека, според нив, премиерот не требало лично да ја објаснува состојбата со водата, ниту министерот за внатрешни работи да се занимава со прашања поврзани со нејзиниот квалитет.

— реклама —

Од СДСМ прашуваат дали најавата за консултации со експерти претставува признание дека досегашното постапување било погрешно или, како што велат, обид да се најде ново алиби.

— реклама —

Партијата на крајот бара одговорност за случајот со загадената вода во Гостивар и прашува кој ќе ја понесе одговорноста за, како што наведуваат, труењето на граѓаните.