СДСМ: Скопје има градоначалник на екскурзија - исто како и неговиот шеф

СДСМ преку соопштение упати критики кон градоначалникот на Скопје, Орце Ѓорѓиевски, обвинувајќи го дека не одговара на прашањата поврзани со работата на Градот и дека, според нив, не се справува со клучните проблеми на главниот град.

— реклама —

Од партијата тврдат дека сè уште нема информации колку чинело АИ-решението за билбордот со кој се промовира Скопје, која компанија го изработила и дали таа има поврзаност со градоначалникот. Воедно, оценуваат дека билбордот повеќе го промовира Белград и Храмот „Свети Сава“ отколку Скопје.

— реклама —

СДСМ наведува дека нема одговор ниту за резултатите од испитувањето на реките Лепенец и Вардар со дрон, односно, како што велат, не е познато кој е одговорен за нивното загадување.

— реклама —

Во соопштението се критикува и состојбата со јавната хигиена, при што од СДСМ велат дека единствената порака што граѓаните ја добиле од Ѓорѓиевски е сами да го чистат градот.

— реклама —

„Тоа е сè што доби Скопје од Орце Ѓорѓиевски: екскурзии, скапи АИ-билборди, промоција на Белград и апели граѓаните сами да го чистат градот“, се наведува во соопштението на СДСМ.