СДСМ со „фрижидер анкета“: Рејтингот се мери со празна трпеза

СДСМ излезе со остра критика за растот на цените. Тие велат дека тоа е вистинската слика за состојбата во државата, која не се гледа во анкетите, туку во фрижидерите на граѓаните.

— реклама —

Од партијата велат дека цените на основните прехранбени производи континуирано растат, посочувајќи дека пиперките достигнале 300 денари за килограм, доматите над 200 денари, зејтинот 118 денари, а јајцата над 110 денари.

„Цените до плафон – рејтингот до плафон. Во маркетите шок, а во фрижидерите – празнина“, наведуваат од СДСМ.

— реклама —

Тие порачуваат дека со приближувањето на Велигден, секое семејство ќе ја почувствува реалната економска состојба.

— реклама —

„Нема поголема анкета од фрижидерот. Нема поголема вистина за рејтингот од празната трпеза“, се додава во реакцијата.

Од СДСМ обвинуваат дека граѓаните се соочуваат со сè поголем притисок врз домашниот буџет, додека, како што велат, власта се обидува да ја прикаже ситуацијата како стабилна.

— реклама —

„Нема леб, но затоа има игри“, порачуваат од партијата, оценувајќи дека реалноста за граѓаните е далеку од официјалните наративи.