СДСМ со обвинувања дека Мицкоски и Филков го штитат Груевски

СДСМ преку соопштение обвини дека премиерот Христијан Мицкоски и министерот за правда Игор Филков повеќе од еден месец не одговараат дали документите за екстрадиција на поранешниот премиер Никола Груевски се испратени.

Во партиското соопштение, СДСМ тврди дека власта намерно молчи и го штити Груевски, кого го нарекуваат „жив споменик на криминалот на ВМРО“.

— реклама —

„Дали документите за екстрадиција на Никола Груевски се испратени или не? Одговор – тишина, молчење, премолчување“, наведуваат од партијата.

Од СДСМ оценуваат дека Владата, според нив, ја „гази правдата“ и бараат веднаш да се испратат документите за екстрадиција.

— реклама —

Во соопштението се додава дека доколку тоа не се случи, власта треба јавно да признае дека го штити поранешниот премиер.

— реклама —

„Нема повеќе молчење. Нема повеќе заштита на криминалци. Правда сега“, порачуваат од СДСМ.