СДСМ: Тошковски сега ја анализира водата во Гостивар, додека граѓаните сѐ уште се трујат

СДСМ упати критики до Владата поради состојбата со водоснабдувањето во Гостивар, оценувајќи дека институциите ненавремено реагирале и побара кривична одговорност од надлежните.

— реклама —

Од партијата реагираат на најавата на министерот за внатрешни работи Панче Тошковски за почести анализи на водата, прашувајќи зошто таквите проверки се најавуваат дури сега и зошто во процесот не е поактивно вклучено Министерството за здравство.

— реклама —

СДСМ тврди дека водата била прогласена за „технички исправна“ без официјален документ и без, како што наведуваат, некој да преземе одговорност за таквата оценка.

— реклама —

Партијата потсетува и на вчерашната изјава на директорот на Дирекцијата за заштита и спасување, Стојанче Ангелов, дека во водата е детектирана бактерија и дека повторно се спроведува хиперхлорирање.

— реклама —

Во соопштението СДСМ наведува дека Обвинителството треба да покрене постапка и да ја утврди евентуалната одговорност на премиерот Христијан Мицкоски, министерот за здравство Сашо Клековски и министерот за внатрешни работи Панче Тошковски во врска со случајот.