СДСМ: Уште ли патуваат документите од Министерството за Правда за Груевски или се заглавија во Пошта

Од СДСМ преку соопштение прашуваат дали Владата предводена од Христијан Мицкоски има поднесено барање за екстрадиција на поранешниот премиер Никола Груевски или, како што велат, документите се заглавени во институциите.

— реклама —

Во соопштението се наведува дека поминале три недели од изјавата на унгарскиот премиер Петер Маѓар, кој истакнал дека Унгарија нема да биде „безбедна куќа за криминалци“, при што, според СДСМ, бил спомнат и Груевски.

— реклама —

— реклама —

Од опозициската партија тврдат дека од страна на македонската Влада и Министерството за правда сè уште нема официјален чекор за барање екстрадиција, што, според нив, отвора прашања за политичката волја за враќање на Груевски во земјата.

— реклама —

СДСМ обвинува дека со одложување или непостапување се остава простор за избегнување на правдата, додека граѓаните, како што велат, очекуваат јасен и недвосмислен институционален став.