СДСМ: Власта ги зема под целосна своја контрола судството и обвинителството

Портпаролката на Владата на Мицкоски, Марија Митева, ја потврди владината контрола врз правосудство. Владата има податоци за судскиот процес на Андреј Жерновски којшто се уште не е завршен.  Не само што владата има информации, владата очигледно ги диктира пресудите. Како инаку би имала информации од судски процес во тек? Власта ги зема под целосна своја контрола судството и обвинителството, вели СДСМ.

„Го сменија јавниот обвинител, сопруга на градоначалник на ВМРО назначија за член на Судски совет, советник на Мицкоски во Уставниот суд.

— реклама —

Додека Мицкоски од собраниска говорница им дели задачи и им кажува што и како да работат.

За што им служи ова?

— реклама —

За заплашување. Постојано се закануваат со обвинителство, со тужби, пресуди, нам секојдневно... сега им се закануваат и на синдикатите.

Заплашувањето е модел за пресметка со и против опозицијата.

— реклама —

Покрај сето ова, и безбедносните служби се користат за следење на сите неистомисленици. Тоа СДСМ најдобро го знае, а сега го знаат и луѓето од синдикатите.

Служби за безбедност, обвинителство, судство, медиуми. Каде го има ова? Па во ВМРО.

— реклама —

Исто како во времето на Груевски кого сега сакаат да го вратат. Затоа и владиниот авион најчесто летал во Будимпешта“, се вели во соопштението.