СДСМ за случајот со марихуаната: Без поддршка и логистика на структури во власта ваков шверц не би бил возможен

11 дена молк од власта. Нема одговор како 5 тони дрога, по некои проценки вредни 40 милиони евра, ја поминале македонската граница и завршиле во Србија, велат од СДСМ.

 „Кој ќе одговара?

— реклама —

 Молкот не е случајност туку јасен индикатор дека овој скандал води до врвот на власта и дека некој се обидува да го заташка.

 Без поддршка и логистика на структури во власта, во МВР, во Царината и во други институции – ваква шверцерска операција на дрога не била возможна.

 Дополнително, последните информации објавени во медиумите во Србија отвораат нови сомнежи.

— реклама —

 Медиумите наведуваат дека уапсениот функционер на СНС (сестринска партија на ВМРО) кој се поврзува со откриените 5 тони дрога во Крушевац – Србија, е близок со министерот за одбрана, Братислав Гашиќ.

 Доколку овие информации се точни, се отвораат нови прашања.

— реклама —

 Дали нарко - скандалот води до Томовски, директор на СОЗР и ново назначен организациски секретар на ВМРО?

 Каква е поврзаноста на фирми на роднини на Ивица Томовски?

 Јавноста очекува одговори.

— реклама —

 А одговорност ќе има, за сите“, се вели во соопштението.