Од СДСМ преку соопштение обвинија дека Владата повеќе од 30 дена не дава одговор дали се испратени документите за екстрадиција на поранешниот премиер Никола Груевски.
Од партијата велат дека премиерот Христијан Мицкоски и министерот за правда Игор Филков избегнуваат јасен одговор и намерно молчат за постапката.
Според СДСМ, Владата го штити Груевски, кого го нарекуваат „симбол на криминалот и корупцијата на ВМРО“. Од партијата порачаа дека Македонија не смее да биде држава што штити осудени криминалци и побараа екстрадицијата да биде реализирана.
„Правда мора да има. Одговорност мора да има. Груевски мора да се соочи со правдата“, велат од СДСМ.
