СДСМ: Зошто ВМРО има проблем со малцинствата, кога половина од нивната влада се Бугари?

ВМРО-ОКГ и Христијан Мицкоски продолжуваат со лажната драма дека внесувањето на малцинствата во Уставот го загрозувало македонскиот идентитет, велат од СДСМ.

„А вистината е следна:

Половина од нивната влада, пратеници, министри, директори на јавни претпријатија и нивните семејства веќе имаат бугарски пасоши.

Меѓу нив се и членови од семејството на Мицкоски, како и семејството на нивниот главен медиумски човек, уредник на Орбанова медијумска мрежа – Драган Павловиќ Латас.

— реклама —

ВМРО - криминална група сами предложија закон за двојно државјанство, но со услов – да не важи за овој состав на Собранието и Владата.

Кога СДСМ предложи Закон за двојно државјанство да важи веднаш за сите, вклучително и за актуелната влада и пратениците, ВМРО-ОКГ го повлече сопствениот предлог.

Затоа што не сакаат нивните функционери да бидат исти како обичните граѓани.

— реклама —

Тие веќе имаат ЕУ пасоши.

Тие не чекаат 8-10 часа на граница. Тие летаат со државен авион (купен со пари на граѓаните) на море, додека на граѓаните им велат останете дома, не ви треба море.

Прашањето е едноставно:

Зошто ВМРО толку се бори против внесување на малцинствата во Уставот, кога самите нивни луѓе веќе ги имаат сите права што ги дава ЕУ?

— реклама —

Одговорот е повеќе од јасен:

Затоа што не им е важно ниту македонскиот идентитет, ниту малцинствата. Важно им е само да го блокираат патот за Европската Унија, за да продолжат со криминалот и корупцијата.

Нема повеќе лаги. Организираната криминална група ВМРО ја блокира иднината на Македонија.

— реклама —

Малцинствата не се закана.

Криминалот и корупцијата се закана.

Реформи. Правда. Европа.

Тоа е единствениот пат“, се вели во соопштението.