Се активира нова опрема за проверка на струјомери: Завршува ерата на неточни броила

„Завршува ерата на неточни броила!“, најави Министерството за енергетика, од каде додаваат:

„Долги години, граѓаните се соочуваат со сомнежи за точноста на своите броила, Министерството за енергетика бара итно ставање во функција на софистицираната опрема за проверка на струјомерите, која 7 години собира прашина во Бирото за метрологија.

— реклама —

Министерката Сања Божиновска веќе даде јасни насоки – граѓаните мора да добијат право на независна проверка на своите броила во државна институција. Ова значи дека секој сомнеж за неправилно фактурирање ќе може да се провери со прецизни и официјални мерења!

— реклама —

➡️ Бирото за метрологија веќе започна процес за активација на опремата.

➡️ Граѓаните ќе добијат транспарентен и праведен систем за мерење на потрошената енергија.

— реклама —

➡️ Компаниите кои ги инсталираат броилата ќе бидат под дополнителна контрола!

Точноста во мерењето на струјата не е привилегија – туку право! Министерството за енергетика останува посветено на вистински решенија кои носат промени“.