„Сè е однапред смислено сценарио“ – нова размена на обвинувања меѓу СДСМ и ВМРО-ДПМНЕ

СДСМ реагираше на обвинувањата од ВМРО-ДПМНЕ, прашувајќи „како знае ВМРО-ОКГ што ќе проговори Артан Груби“ и оценувајќи дека со ваквите изјави владејачката партија, како што наведуваат, практично признава дека постои договор.

— реклама —

„Сè е договорено. Сè е дел од однапред смислено сценарио што се одвива пред очите на граѓаните“, се наведува во реакцијата, во која настаните се оценуваат како „циркус“ и „театар на граница“.

— реклама —

Од СДСМ прашуваат дали ВМРО-ДПМНЕ е свесна дека, според нив, „секој ден тоне подлабоко во сопствените лаги“, обвинувајќи дека преку пратеникот Бране Петрушевски се пласираат политички пораки.

— реклама —

Во соопштението се поставуваат и прашања до премиерот Христијан Мицкоски, меѓу кои: „Кој е Симо?“ и „Во каков однос е Мицкоски со Душан Адамовиќ, член на сестринската партија Српска напредна странка?“

— реклама —

Политичката размена на обвинувања меѓу двете најголеми партии продолжува, додека јавноста сè уште очекува конкретни институционални одговори и постапки во врска со случајот.