Се огласи Белата куќа: Трамп и Путин се согласија дека војната треба да заврши со траен мир

Владимир Путин ѝ наредил на руската војска да прекине со нападите врз украинската енергетска инфраструктура на 30 дена, објавија медиумите по неговиот телефонски разговор со Доналд Трамп попладнево.

— реклама —

„Денеска претседателот Трамп и претседателот Путин разговараа за потребата од мир и прекин на огнот во војната во Украина. Двајцата лидери се согласија дека овој конфликт треба да заврши со траен мир. Тие ја истакнаа и потребата од подобрување на билатералните односи меѓу САД и Русија. Крвта и богатството што Украина и Русија ги потрошија во оваа војна би можеле подобро да бидат насочени кон потребите на нивниот народ“, се вели во соопштението на Белата куќа.

— реклама —

— реклама —

Исто така, Москва и Вашингтон договориле да се формираат експертски групи кои ќе работат на решавањето на украинската криза.

— реклама —

Според „РИА новости“, Путин и Трамп разговарале и за ситуацијата на Блиски Исток и Црвено Море и изразиле заемен интерес за нормализирање на односите помеѓу двете држави.