Се огласи таткото на девојчето (13) кое го усмрти гром на плажа на Халкидики

Родителите на девојчето (13), кое рано денеска на плажата на Халкидики го усмрти гром, се во шок и не можат да поверуваат што се случило со нивната ќерка.

Според таткото на девојчето, семејните безгрижни моменти се претвориле во кошмар кога гром ги погодил неговата ќерка и сопругата. Девојчето починало на лице место, додека неговата сопруга е повредена.

— реклама —

Тој вели дека денеска фамилијарно отишле на пливање и дека кога почнал да врне, излегле од морето. Додека биле на плажа, пред нив удрил гром, а неговата сопруга и ќерката паднале на песокот.

— реклама —

„Моето девојче повеќе не стануваше“, вели неутешениот татко.

Тој напоменува дека жали што не ја напуштил плажата десет минути порано. Таткото вели дека тогаш неговата ќерка би била жива.

— реклама —

Да потсетиме, трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.

— реклама —

Треба да се напомене дека на подрачјето на Халкидики денеска времето е лошо со обилни врнежи од дожд.

Полициската управа Касандра води прелиминарна истрага за инцидентот, пишуваат грчките медиуми.