Се трага по исчезнато лице долж Вардар во Гостиварско

Тимови на Дирекцијата за заштита и спасување (ДЗС) интензивно трагаат по исчезнато лице за кое постојат индиции дека било видено во близина на реката Вардар, на подрачјето на Гостивар. Потрагата се спроведува по официјално барање на Полициската станица Гостивар.

— реклама —

На терен е и заменик-директорот на ДЗС, Кашмир Салиу, кој заедно со екипите учествува во активностите за пронаоѓање на лицето.

— реклама —

Во акцијата се вклучени припадници на Тимот за брз одговор за спасување на води при ДЗС, со логистичка поддршка од Подрачното одделение во Гостивар. Екипите работат во координација со полициските службеници од ОВР Гостивар и локалните служби.

Пребарувањето се одвива долж текот на Вардар, од критичните точки во градот до подрачјата низводно. И покрај условите на теренот и специфичностите на речното корито, тимовите ќе останат ангажирани до завршувањето на операцијата.

— реклама —

Од ДЗС упатуваат апел до жителите на Гостивар и околните населени места, доколку имаат какви било информации за исчезнатото лице или забележат нешто долж речното корито, веднаш да ги известат полицијата или надлежните служби за заштита и спасување. Информациите може да се пријават и на бројот 112 во Центарот за управување со кризи.

— реклама —

Од ДЗС најавуваат дека јавноста дополнително ќе биде информирана за новите моменти во потрагата.