Се урна руски суперсоничен бомбардер, загина пилотот

Еден од пилотите на бомбардерот Ту-22М3 загина при пад на авионот во областа Иркутск во Русија, соопшти утринава шефот на регионот Игор Кобзев.

— реклама —

Кобзев на својот канал Телеграм напиша дека останатите пилоти имаат повреди со различна тежина и се хоспитализирани.

„Експертите сега мора да ја утврдат точната причина за несреќата. Според прелиминарната истрага, која беше спроведена вчера, причината е технички дефект“, рече Кобзев, пренесе Интерфакс.

— реклама —

Авионот Ту-22М3 се урнал во четвртокот за време на рутински лет, а екипажот се катапултирал.

— реклама —

Авионот се урнал во ненаселено место, а на теренот нема штета.

Претходно беше објавено дека четворицата пилоти на бомбардерот Ту-22М3, кој се урна во четвртокот кај селото Михајловка во областа Черемхово во регионот Иркутск, се катапултирале.

— реклама —

Ту-22М3 е суперсоничен бомбардер кој носи ракети со долг дострел за уништување поморски и копнени цели со наведувани проектили и може да носи нуклеарни и конвенционални бомби и проектили.