Се заканувал на сопругата, полицијата му пронашла рамки за автоматска пушка и куршуми, приведен 45-годишен маж

Три празни рамки за автоматска пушка и два куршуми биле пронајдени при полициски претрес во дом во тетовско, откако 45-годишен маж бил пријавен за семејно насилство, телесна повреда и загрозување на сигурноста.

— реклама —

Според информациите од МВР, на 16 октомври во Полициското одделение Групчин било пријавено дека М.Д. (45) од тетовско село сторил семејно насилство, загрозување на сигурноста и телесна повреда.

— реклама —

Истиот ден, во 19:30 часот, неговата сопруга во СВР Тетово пријавила телесна повреда при семејно насилство и загрозување на сигурноста, за кои го посочила својот сопруг.

По наредба на Основниот суд Тетово, полицијата извршила претрес во домот на пријавениот во периодот од 21:30 до 22:30 часот. На скалите кај влезната врата биле пронајдени три празни рамки за автоматска пушка и два куршуми со непознат калибар, кои биле одземени.

— реклама —

По преземените мерки, М.Д. бил лишен од слобода и задржан во СВР Тетово. Извештајот бил доставен до Основното јавно обвинителство Тетово, со правна квалификација за неовластено изработување, држење, посредување и тргување со оружје и експлозивни материи, според член 396 од Кривичниот законик.

Од МВР информираат дека по целосното документирање на случајот против него ќе следува соодветен поднесок.