Седум возачи приведени за безобѕирно возење низ државата

Седум возачи биле лишени од слобода во текот на изминатото деноноќие на територијата на државата поради безобѕирно управување со возила, информира Министерството за внатрешни работи.

— реклама —

Според полицијата, шестмина од приведените управувале возила без да поседуваат возачка дозвола, додека едно лице било затекнато зад волан и покрај тоа што имало активна забрана за управување со моторно возило.

— реклама —

Од приведените, тројца се од Битола, а по едно лице било лишено од слобода во Скопје, Неготино и Кичево поради возење без возачка дозвола. Дополнително, едно лице во Кичево било приведено бидејќи управувало возило иако имало изречена мерка за забрана за управување.

— реклама —

Од МВР најавуваат дека по целосното документирање на случаите ќе бидат поднесени соодветни кривични пријави.

Воедно, полицијата повторно апелира до граѓаните да ги почитуваат сообраќајните правила и прописи, да не управуваат возила без положен возачки испит, доколку имаат изречена забрана за управување или се под дејство на алкохол, со цел зголемување на безбедноста во сообраќајот.