На покана на министерот за надворешни работи и надворешна трговија, Н.Е. г. Тимчо Муцунски, утре (29 јуни) во официјална посета на Република Северна Македонија ќе престојува министерот за надворешни работи на Република Литванија, Н.Е. г. Кестутис Будрис (Kęstutis Budrys).
Во рамките на посетата, министерот Будрис ќе оствари тет-а-тет средба со својот домаќин, министерот Муцунски, по што ќе следи заедничка прес-конференција.
Во фокусот на разговорите ќе бидат унапредувањето на билатералните односи меѓу Република Северна Македонија и Република Литванија, соработката во рамките на НАТО, како и литванската поддршка за европската интеграција на Република Северна Македонија.
