Шефот на НАТО: Војната во Иран е надвор од територијата на Алијансата

Генералниот секретар на НАТО, Марк Руте, изјави дека Алијансата нема да се вклучи во евентуална војна меѓу САД и Иран, нагласувајќи дека Иран се наоѓа надвор од територијата на НАТО.

— реклама —

Одговарајќи на новинарско прашање дали НАТО би му помогнал на Вашингтон во случај на воен конфликт со Техеран, Руте рече дека ставот на Алијансата останува непроменет.

— реклама —

„Иран е надвор од територијата на НАТО. Не смее да развие нуклеарно оружје, Ормутскиот Теснец мора да остане отворен, а НАТО отсекогаш имал став дека Иран не смее да поседува интерконтинентални балистички ракети. Но, бидејќи тоа е надвор од подрачјето на дејствување на НАТО, поединечните земји членки ги решаваат овие прашања директно со Соединетите Американски Држави“, изјави Руте.

— реклама —

Неговата изјава беше дадена за време на медиумски настан на кој присуствуваа американскиот претседател Доналд Трамп, украинскиот претседател Володимир Зеленски и францускиот претседател Емануел Макрон.

Според „Sky News“, ваквиот став веројатно не е во согласност со очекувањата на Трамп, кој во повеќе наврати го критикуваше НАТО поради, како што оценува, недоволниот ангажман на Алијансата.