Иранската фудбалска репрезентација остана без важен погодок и подобар резултат во Сиетл, откако голот на Шоџа Халилзаде беше поништен поради офсајд, што предизвика остри реакции од селекторот Амир Галеноеи, кој смета дека неговиот тим бил оштетен со судиска одлука.
Репрезентацијата на Иран на турнирот во САД се соочува со повеќе проблеми, а сето тоа доаѓа во период кога и самиот настап на натпреварувањето бил под знак прашалник поради сложената геополитичка ситуација.
По пристигнувањето во САД, Иран се соочил со дополнителни тешкотии кои, како што се наведува, влијаеле врз нивниот пласман во групата. Тимот моментално има три бода и ќе мора да го чека исходот од останатите натпревари за да дознае дали ќе обезбеди пласман во нокаут-фазата.
Селекторот Галеноеи не го криеше незадоволството од судењето, оценувајќи дека неговата екипа била неправедно оштетена.
„Ако не сакате да учествуваме на Мундијалот, само кажете. Поништувањето на тој гол беше целосно неоправдано – тоа беше чист гол, немаше офсајд. Имам чувство дека целиот фудбалски свет е против нас. Иран се бореше со сè што имаше и светот тоа го виде“, изјави селекторот на Иран.
Доколку резултатите не се поклопат, Иран ќе биде елиминиран во групната фаза од натпреварувањето.
