Северна Кореја извршила пробно лансирање на унапредени наведувани ракети за ракетен систем од 240 милиметри, соопшти државната новинска агенција КЦНА. Според агенцијата, развојот на новото оружје треба да ја зголеми огнената моќ долж јужната граница на земјата.
КЦНА наведува дека тестирањето ја покажало прецизноста и перформансите на ракетите со продолжен дострел, кои користат автономен систем за прецизно водење.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Според објавените информации, ракетите можат да погодат цели на оддалеченост до 100 километри при лет по траекторија, односно до 115 километри при комбиниран режим на летање со лизгање.
Тестот го надгледувал потпретседателот на Централната воена комисија, Пак Џонг-чон. Тој ја нагласил потребата од концентрирање на офанзивните сили долж јужната граница.
КЦНА оценила дека развојот на ваквите ракети значително ја зголемува подготвеноста за употреба на огнената моќ во пограничниот појас кон Јужна Кореја.
Министерството за одбрана на Јужна Кореја засега не го коментирало тестирањето.
