Северна Кореја лансираше балистички проектил кон Источното Море

Северна Кореја денеска лансираше балистички проектил со краток дострел кон морето источно од Корејскиот Полуостров, соопшти јужнокорејската војска.

— реклама —

И јапонската влада потврди дека Пјонгјанг лансирал објект за кој се претпоставува дека е балистички проектил.

— реклама —

— реклама —

Лансирањето следува по серијата ракетни тестирања што Северна Кореја ги спроведе оваа година, меѓу кои имаше тестови на балистички проектили со краток дострел, повеќецевни ракетни системи и друго вооружување со кое земјата ги зајакнува своите воени капацитети.

Последниот тест на вооружување Северна Кореја го изврши кон крајот на јуни, кога, според државната новинска агенција КЦНА, беа тестирани повеќецевни ракетни фрлачи, тактички балистички проектили и самоодни хаубици.