Севернокорејски војници се бореле во Курската област, Ким Џонг Ун: „Ќе направиме сè што можеме за да ѝ помогнеме на Русија“

Рускиот претседател Владимир Путин му се заблагодари на севернокорејскиот лидер Ким Џонг Ун за учеството на севернокорејските војници во борбите против украинските сили, истакнувајќи ја нивната „храброст и жртва“.

— реклама —

„На ваша иницијатива, како што е добро познато, вашите специјални сили учествуваа во ослободувањето на Курската област. Вашите војници се бореа храбро и јуначки“, рече Путин на средбата со Ким во Пекинг, одржана на маргините од одбележувањето на 80-годишнината од капитулацијата на Јапонија во Втората светска војна.

— реклама —

Според проценките на јужнокорејската разузнавачка служба, околу 2.000 севернокорејски војници загинале во борбите на страната на Русија во западниот дел на земјата. „Сакам да нагласам дека никогаш нема да ја заборавиме жртвата на вашите вооружени сили и семејствата на вашите војници“, додаде Путин, изразувајќи благодарност во име на рускиот народ.

— реклама —

Ким Џонг Ун, пак, изјави дека е подготвен да направи „сè што може за да ѝ помогне“ на Русија, нагласувајќи дека соработката меѓу двете земји значително се зголемила по потпишувањето на договорот за партнерство во јуни 2024 година.

— реклама —

Состанокот во Пекинг го потврди сè поблиското партнерство меѓу Москва и Пјонгјанг во услови на продолжен воен конфликт во Украина и зголемени тензии со Западот.