Шилегов го оспори обвинението за Шефкет Хазари: „Со кои средства наводно предизвикал пожар?“

Денешното рочиште за пожарор во дискотеката „Пулс“ го стави во фокус обвинителниот акт, откако адвокатот Петре Шилегов, бранител на обвинетиот Шефкет Хазари од Министерството за економија, ја изнесе својата одбрана и го оспори товарот што му се припишува на неговиот клиент.

— реклама —

Шилегов објасни дека одлучил да ги прочита делата што му се ставаат на товар на Хазари, нагласувајќи:

„Долго размислував дали да одам со читање на кривичните дела и дека тоа мора да го сторам, затоа што, како што велам, правно поаналфабетски памфлет немам видено, бидејќи ова не заслужува да носи име обвинителен акт.“

— реклама —

Тој додаде дека според обвинението, Хазари наводно бил свесен дека може да настане штетна последица и се согласил со нејзиното настанување:

— реклама —

„Делото што се става на товар вели: Тој што со пожар, поплава, експлозија и јонизирачко зрачење, моторна пила, електрична или друга енергија или со друго општоопасно дејствие или средство, ќе предизвика значителна опасност за животот на луѓето или имотот, од поголеми размери, па се предвидува казната. Тоа е делото што според Обвинителството го сторил обвинетиот Хазири. Со кои средства? Лиценцата за угостителска дејност е изработена и обработена во Министерството за економија, а од Хазари била проверена,“ рече тој.

Адвокатот посочи дека нема логична поврзаност меѓу административната работа на Хазари и пожарот што избувна многу години подоцна:

— реклама —

„Нејасно е како може проверка на лиценца или давање согласност во интервал од 2013 до 2019 година да предизвика пожар на 16 март 2025 во дискотеката во Кочани.“