Сите пожари ставени под контрола – утрово нема активни жаришта

Во текот на изминатото деноноќие во државата биле регистрирани 16 пожари на отворен простор, а до 7:00 часот утрово сите се целосно изгаснати, информира Центарот за управување со кризи (ЦУК).

— реклама —

Според информациите на ЦУК, во моментов нема активни пожари, ниту пожари кои се ставени под контрола.

— реклама —

Пожарите биле локализирани и изгаснати на повеќе локации низ земјава, меѓу кои во општините Прилеп, Радовиш, Гостивар, Куманово, Сарај, Долнени, Валандово, Велес, Тетово, Гази Баба и Битола.

— реклама —

Огнот зафатил ниска вегетација, стрништа, мешана и деградирана шума, грмушки, дрва, отпад, како и тракторска приколка, бали слама и сушара за тутун во радовишкото село Бучим.

— реклама —

Од ЦУК информираат дека состојбата со пожарите на отворен простор во моментов е стабилна.