Скандал во Тајната служба: агент што го обезбедувал Трамп уапсен во Мајами

Американски агент на Тајната служба на САД е уапсен во Мајами поради непримерно однесување, само неколку часа откако учествувал во обезбедувањето на претседателот Доналд Трамп на голф-турнир.

— реклама —

Станува збор за 33-годишниот Џон Спилман, кој според полициски извештај бил приведен под обвинение за непримерно однесување. Тој е задржан со кауција од 1.000 долари.

Инцидентот се случил во хотел во Мајами, каде што гости пријавиле дека биле следени до нивната соба, по што го затекнале агентот во крајно вознемирувачка ситуација во ходникот. По нивната пријава интервенирало хотелското обезбедување, а потоа и полицијата.

— реклама —

Од Тајната служба потврдија дека агентот веднаш е ставен на административен одмор и најавија внатрешна истрага.

— реклама —

„Ова однесување е неприфатливо и целосно спротивно на стандардите што ги бараме“, изјавил Ричард Маколи.

Случајот дополнително ја става агенцијата под притисок, бидејќи доаѓа кратко време по друг сериозен безбедносен инцидент поврзан со обид за напад врз претседателот.

— реклама —

Истрагата е во тек.