Скандал во затворот во Осиек: Управник пријавен за сексуално вознемирување на вработена

Управникот на затворот во хрватскиот град Осиек е пријавен за сексуално вознемирување од страна на своја колешка, а полицијата спроведува истрага за случајот.

— реклама —

Според пријавата, инцидентот се случил изминатиот викенд, за време на службена прослава организирана по повод заминувањето на еден од вработените во затворот. Во еден момент, управникот наводно ја фатил својата подредена за задникот. Жената тврди дека тој ја искористил околноста што и двајцата биле под дејство на алкохол.

— реклама —

По настанот, управникот инсистирал да ја одвезе вработената до дома. Таа им се пожалила на колешките, по што уште истата вечер го пријавила случајот во полиција. Пријавата ја повторила и следниот ден, кога веќе не била под дејство на алкохол. Поплака за неговото однесување била доставена и до Управата за затворски систем.

— реклама —

Од Полициската управа осиечко-барањска за медиумите потврдиле дека по добиената пријава се спроведува криминалистичка истрага.

— реклама —

Според неофицијални информации на хрватскиот портал „Индекс“, управникот подоцна се обидел да влијае врз вработената и да ја натера да ја повлече изјавата, притоа повикувајќи се на своите добри врски во полицијата. Наводниот притисок бил снимен, а снимката била доставена до полицијата.