Четириесет и тригодишен жител на Скопје е лишен од слобода откако бил пријавен дека физички ја нападнал и извршил обљуба врз својата сопруга.
Според информациите од Министерството за внатрешни работи, на 7 март 2026 година во 20:30 часот полициски службеници од СВР Скопје го привеле А.Г.(43) од Скопје. Тој бил уапсен по претходна пријава дека околу 12:00 часот во семејниот дом на подрачјето на Шуто Оризари физички ја нападнал и извршил обљуба врз неговата 40-годишна сопруга.
Од полицијата информираат дека сопружниците извесен период не живееле заедно.
По целосно документирање на случајот, против осомничениот ќе биде поднесена соодветна пријава.
