Слаб снег на Струмица–Крушево и Ѓавато, сите патишта се проодни

Сите државни патишта низ Македонија се проодни и безбедни за сообраќај, информираат надлежните институции. Сообраќајот се одвива непречено, но поради врнежите од снег се апелира до возачите да управуваат внимателно и да ја прилагодат брзината според условите на патот.

— реклама —

Екипите на ЈП „Македонија пат“ се целосно ангажирани и во текот на целиот ден се на терен, со потребната механизација и работна сила, каде што континуирано се врши расчистување на снегот. Во координација со ЈП за државни патишта и Министерството за транспорт се спроведуваат заеднички активности со цел да се обезбеди безбедно и непречено одвивање на сообраќајот.

— реклама —

— реклама —

Од надлежните се упатува апел до возачите задолжително да користат зимска опрема, да ја почитуваат поставената сообраќајна сигнализација и редовно да се информираат за состојбата на патиштата преку официјалните информативни центри.

Слаб снег во моментов провејува на патните правци Струмица–Крушево и Ѓавато, но истиот не се задржува на коловозот. Координираните активности на институциите ќе продолжат и во наредниот период, со цел да се одржи безбедноста во сообраќајот.