Словенечката министерка за надворешни работи Тања Фајон изјави дека израелскиот закон за смртна казна е „јасен облик на дискриминација“ кон Палестинците.
Фајон нагласи дека сите треба да бидат подеднакво одговорни за терористички акти, но дека смртната казна не е решение.
„Безбедноста не може да се гради врз дискриминација, а правдата не може да постои без правичност“, рече таа.
Кнесетот синоќа го усвои контроверзниот закон кој би овозможил смртна казна за палестински затвореници осудени за тероризам. За истото кривично дело во Израел ќе биде можно да се добие затворска казна.
Законот помина второ и трето читање со 62 гласа „за“ и 48 „против“, со еден воздржан глас, извести „Једиот Ахронот“. Израелскиот премиер Бенјамин Нетанјаху гласал „за“ законот.
