Словенија: Срушен јунскиот температурен рекорд, измерени 38,7 степени

Во Словенија вчера беше соборен температурниот рекорд за месец јуни, откако во Поднанос, во Випавската Долина, беа измерени 38,7 Целзиусови степени.

— реклама —

Според словенечките медиуми и податоците на Агенцијата за животна средина (АРСО), станува збор за највисока температура измерена во јуни откако се водат споредливи мерења, односно од 1950 година.

— реклама —

„Откако имаме споредливи податоци, најмалку од 1950 година, на ниту една мерна станица во Словенија не е измерена повисока температура во јуни“, изјави климатологот Грегор Вертачник.

И покрај новиот рекорд, овогодишниот јуни најверојатно ќе биде само петтиот најтопол јуни во Словенија од почетокот на мерењата. Според проценките на АРСО, просечната температура за овој месец ќе изнесува околу 20,2 степени.

— реклама —

Најтопол јуни досега во Словенија бил минатогодишниот, а по него следуваат 2003, 2019 и 2022 година.

Овогодишниот јуни е за околу 2,7 степени потопол од просекот за периодот од 1991 до 2020 година.