„Смртта на Тоше Проески за Македонците е како атентатот врз Џон Кенеди за Американците, сите ние вечно ќе го паметиме тој момент“: Џамбазов со емотивна порака за македонската легенда

Смртта на Тоше Проески остави длабока трага во колективното сеќавање на Македонците, а моментот кога беше објавена веста за неговата трагична смрт многумина сè уште го паметат до најситен детаљ. Актерот и шоумен Игор Џамбазов ја спореди оваа загуба со атентатот врз американскиот претседател Џон Кенеди, настан што засекогаш останал врежан во сеќавањата на Американците.

— реклама —

„Смртта на Тоше кај нас Македонците е некаков еквивалент на смртта на Џон Кенеди кај Американците. Сите оние што живееле во времето на тој можеби најпознат атентат во историјата, точно знаат каде биле во тој момент, со кого биле, што правеле, што зборувале и како реагирале на објавувањето на трагедијата“, напиша Џамбазов.

— реклама —

Тој посочи дека денот кога Македонија ја загуби музичката ѕвезда засекогаш ќе остане во сеќавањата на луѓето.

„Сите ние вечно ќе го паметиме тој момент. И тешко дека ќе го заборавиме“, порача Џамбазов.

— реклама —