ИГОР ЏАМБАЗОВ

(Видео) „Чичко маестро Џамбаз“: Сеќавање на Александар Џамбазов низ зборовите на Игор Џамбазов

Четири години по смртта на маестро Александар Џамбазов, неговиот син, актерот и музичар Игор Џамбазов, во подкастот Претрес со Ландов зборуваше за ликот, делото и човечката големина на човекот кого генерации го паметат како „чичко маестро Џамбаз“.Џамбазов го опиша татка си како редок спој на врвен професионалец и исклучително топол човек, обожуван од децата од „Златното славејче“, кои му го дадоа прекарот што остана трајно врзан со неговото име. Потсети и на муралот во Дебар Маало, поставен токму во близина на просториите каде што се одржувале пробите и кастинзите на фестивалот, како симбол на љубовта што градот ја има кон маестрото.Во разговорот, Игор Џамбазов се наврати и на музичката ера во која Александар Џамбазов остави длабок печат, особено преку скопските фестивали од седумдесеттите години, кога македонската музика доби простор и признание и надвор од границите. Токму во тој контекст беше спомната и песната „Довидување“, напишана од маестро Џамбазов, а изведена од Јосипа Лисац, која и денес се смета за една од најемотивните и најврвни композиции од тоа време.Џамбазов зборуваше и за последните денови од животот на маестрото, нагласувајќи дека неговото заминување било тивко, достоинствено и без жалби, како што и живеел.„Маестро кој диригираше со животот со иста прецизност како и со оркестрите“, беше пораката што провејуваше низ целото сведоштво.Споменот на Александар Џамбазов, четири години по неговата смрт, останува жив преку музиката и генерациите кои пораснаа со неговите дела, но и преку зборовите на неговиот син, кој го чува неговиот спомен.Целата емисија:

Македонија | пред 2 седмици

Игор Џамбазов со емотивна објава за татко му Александар: „Ти си маестро, маестро мој“

Денес се навршуваат четири години од смртта на маестро Александар Џамбазов, а по тој повод неговиот син, актерот и музичар Игор Џамбазов, сподели длабоко лична и трогателна објава на социјалните мрежи, посветена на својот татко.Во објавата, Џамбазов открива дел од интимната приказна за човекот кој, како што вели, бил „единствен примерок“, а чие присуство и денес го препознава во сопствениот одраз во огледалото. Текстот е извадок од неговата книга „Облечен човек“ и претставува искрено сведоштво за идентитетот, сенките и величината на еден маестро.„Денес се навршуваат четири години од заминувањето на мојот татко Александар.Ова е дел од приказната за него во мојата книга ‘Облечен човек’.Од пред некое време, наутро, кога ќе застанам пред огледалото, како да го гледам него. Особено кога имам на себе неколкудневна брада, јас и изгледам исто како него. И тоа е можно.До својата 50-та година личев на примероците од ‘велешката сорта’, а оттогаш па наваму, со невидена брзина станувам примерок на ‘штипската крв’.Татко ми Џамбаз е човек што вреди да го имаш за татко. Единствен примерок.Татко ми Џамбаз целиот свој живот се жали дека никогаш не бил свој. Секогаш бил во нечија сенка. Се разбира дека тоа не е така.‘Прво бев сопруг на Анче, па зет на Петре Прличко, а сега сум татко на Игор. А јас? Па што сум тогаш јас?’Ти си маестро, маестро мој.“Со оваа објава, Игор Џамбазов уште еднаш потсети на големината на маестро Александар Џамбазов – не само како уметник, туку и како татко, чиј дух и наследство продолжуваат да живеат преку зборот, музиката и сеќавањето.

Магазин | пред 2 седмици

(Фото) „Те нема, а секаде те има, неизбежно те има, во себе си те носам“, Игор Џамбазов со емотивна објава за својата мајка Анче Џамбазова

Македонскиот актер и шоумен Игор Џамбазов уште еднаш ја потсети јавноста дека спомените и љубовта кон неговите родители никогаш не бледнеат.Вчера изминаа изминаа 28 години од смртта на неговата мајка, легендарната актерка Анче Џамбазова.На неговиот профил на Инстаграм, тој сподели стара црно-бела фотографија, под која напиша „28 години без тебе, мајчичке…“. „Те нема, а секаде те има, неизбежно те има, во себе си те носам“.Анче Џамбазова почина на 30 септември 1997 година во Скопје, на само 55 години. Таа беше ќерка на големиот Петре Прличко и, по неговите стапки, стана едно од препознатливите лица на македонската сцена.

Магазин | пред 4 месеци

Џамбазов со остра порака до хејтер: „Им посакуваш смрт на луѓе? Жалам, твој проблем – и на адвокатот“

Игор Џамбазов, актер, шоумен и долгогодишен естраден уметник, познат по тоа што ретко премолчува навреди на своја сметка, повторно возврати јавно на злобен коментар – овојпат сериозен, со отворена закана за тужба.На својот Инстаграм профил, Џамбазов се обрати до личност која му посакала смрт во коментар, предупредувајќи го дека делото што го сторил не е наивно и дека може да има правни последици.– Што човек си ти штом им посакуваш смрт на луѓето, и тоа вака јавно? – пишува Џамбазов, нарекувајќи го лицето по прекарот „Цане“, за кого тврди дека направил говор на омраза, дело што, како што наведува, е казниво по закон.

Македонија | пред 6 месеци

„Ептен Љубовна“ - свежо музичко остварување со видеоспот, во изведба на Игор Џамбазов feat. Sarah Mace & The Girlz

Вчеравечер, на YouTube каналот на Сара Мејс, премиерно беше објавен видеоспотот за најновотомузичко остварување „Ептен Љубовна“ во изведба на Игор Џамбазов и Сара Мејс. Оваа песна е плод на музичката креативност на големиот уметник и шоумен Игор Џамбазов, кој ги креираше музиката и текстот, а ја изведува заедно со Сара Мејс и вокалниот состав „The Girlz“, составен од Калина Велковска, Ана Петановска и Теа Богатинова.Аранжманот на песната е дело на Гуру Харе, кој додаде свои уникатни музички елементи, додека вокалниот аранжман за девојките е подготвен од Теа Богатинова, која внесе хармонија и изразност во нивните гласови. Спотот, снимен на неколку автентични локации низ Скопје, е режиран од Борјан Стојков, кој успева да ја пренесе суштината на песната во едно слатко сценарио. Оваа уникатна музичка колаборација донесува специфичен пристап во љубовните теми и на симпатичен начин ја прикажува љубовта од поинаква перспектива.Со „Ептен Љубовна,“ Игор Џамбазов заедно со Сара Мејс & The Girlzz внесуваат нова енергија и креативност на македонската музичка сцена, демонстрирајќи дека музиката не претставува само израз на длабоки емоции, туку и извор на насмевки и забава и за отсликување на несекојдневните животни ситуации. Со својот свеж пристап, тие умешно ја комбинираат лириката и хуморот, што резултура со уникатна музичка композиција за уживање.„Песната ја пишував во етапи. Пишувана е за неколку жени. Една вистинска, една лажна и неколку замислени. Затоа и се вика ептен љубовна... многу љубов има вложено во неа. Уживајте!“, напиша Игор Џамбазов на својот Instagram профил по објавата на новата композиција.„Ептен Љубовна“ е оригинално музичко парче кое ветува дека ќе допре до срцата на слушателите. Погледнете го видео-спотот на YouTube каналот на Сара Мејс и уживајте во оваа единствена комбинација на хумор, талент и инспирација.

Магазин | пред 1 година

Нема фотографија

(ВИДЕО) Андријана Јаневска и Игор Џамбазов ја преработија „Ми заплакало селото Ваташа“

„Ми заплакало селото Ваташа“ е македонска песна оригинално напишана и музицирана во 1960те години. Текстописец на песната е Лазар Манчевски-Пинџур кој својата инспирација ја црпел од маскрот во Ваташа кој се случил за време на Втората светска војна. Песната била испеана од неколку македонски пејачи, а оригиналот е изведен од Никола Бадев во 1975 година.Проектот „Македонијо во срце те носиме“ има токму за цел да ги возобнови овие македонските патриотски песни, па така денес тие го објавуваат видео записот за песната „Ми заплакало селото Ваташа“ во изведба на Андријана Јаневска и Игор Џамбазов. По нивниот маестрален настап на „Златна Буба Мара на Популарноста“ денес уживајте во видеото за истата.

Магазин | пред 2 години

Џамбазов објави фотографија од татко му и Тереза Кесовија: Ја најдов скриена дома, среќа што мајка ми никогаш не ја видела

Игор Џамбазов објави црно бела фотографија од татко му со пејачката Тереза Кесовија, на која и двајцата се насмеани.„Татко ми Џамбаз со Тереза Кесовија. Фоткава ја најдов во неговата фасцикла со важни документи. Среќа што мајка ми Анче никогаш не го видела ова. Не би ѝ било мило да ги гледа двајцава раскезени. Ко реклама за Каладонт се“, рече Џамбазов.

Магазин | пред 2 години

(ВИДЕО) Најемотивниот дел од „Златна Бубамара“, песна испеана од мака:„Убија дете...“

Синоќа се емитуваше овогодинешното издание на Златна бубамара на популарноста. Низа награди, многу настапи, шеги, смеа…Еден настап ја расплака македонската публика. Бура од емоции предизвика пеењето на Андријана Јаневска и рецитирањето на Игор Џамбазов.Еден од најдобрите македонски вокали ја запеа „Ми заплакало селото Ваташа“, а актерот и шоумен ја рецитираше „Цветови“ од Славко Јаневски.В Тиквешко негде, в некое село,кај в слана тивко венеше цвете,– убија дете.Нивниот моќен настап погледнете го во продолжение, во видеото после седмата минута.

Магазин | пред 2 години

„Земјо моја исконска, кој толку те испусти, и кој се плаши името да ти го изусти“, Џамбазов со стихови го честиташе празникот

Игор Џамбазов, на својот Инстаграм профил го честита големиот празник - Денот на независноста.Честит празник, Македонијо моја!, напиша тој споделувајќи стихови за нашата татковина.„Земјо моја мистична и волшебна,дива и егзотична,баксузна, ама посебна,хаотична и невротична.Земјо моја библиска,со многу богови паднати на главата.Земјо моја исконска,со ѓаволи што ти ја крадат славата.Кој така ти пресуди, кој толку те испусти?И кој се плаши името да ти го изусти?Еве, јас не се плашам, и не се срамам,и длабоко в срцето ќе те врамам.Ќе се качам на Кораб горе, највисоко,па ќе викнам силно: МАКЕДОНИЈО!!!И дури очиве ми гледаат,да те гледам среќна, МАКЕДОНИЈО!!!“, напиша Џамбазов.

Магазин | пред 3 години